नेपाल अफ्रिका चलचित्र महोत्सवमा बाह्र देशका २२ चलचित्र
नेपालखोज
२०८० असार २३ गते ९:१३
काठमाडौं । आज असार २३ देखि २५ गतेसम्म सञ्चालन हुने तीन दिने ‘नेपाल अफ्रिका चलचित्र महोत्सव २०२३’ को एघारौँ संस्करणमा १२ देशबाट २२ चलचित्र सहभागी छन् ।
कलेज अफ जर्नालिज्म एन्ड मास कम्युनिकेसनको आयोजना र चलचित्र विकास बोर्ड तथा विलक्षण क्रिएसनको सह आयोजनामा रहेको कार्यक्रमले नेपाल र अफ्रिकाको संस्कृति आदानप्रदान गर्ने महोत्सवका अध्यक्ष मञ्जु मिश्रले जानकारी दिइन् ।
उनले भनिन्, ‘दुई फरक महाद्वीपलाई जोड्न महोत्सव निरन्तर आयोजना गरिरहेका छौँ, महोत्सवमा ११ देशबाट १० अफ्रिकन र नेपालबाट १२ चलचित्र तथा वृत्तचित्र सहभागी भएका छन् ।’
महोत्सवमा एक दिवसीय अभिनय कार्यशाला ‘नेपाली छोटो चलचित्रको राष्ट्रिय तथा अन्तर्राष्ट्रिय बजार’ विषयमा अन्तरक्रियासमेत हुने महोत्सवका निर्देशक डब्बु क्षत्रीले जानकारी दिए । महोत्सवको आयोजना जमलस्थित नाचघरमा हुँदै छ ।
सम्बन्धित
