रौतहट । रौतहटको गरुडा नगरपालिकाले सुचना उपलब्ध गराएपछि दिपक यादवले आमरण अनसन तोडेका छन् । बंशिराम अनाथालयका सञ्चालक बंशिराम जयसवाल र प्रमुख प्रशासकीय अधिकृत भुदेव झाको हातबाट जुस खाई एक हप्ता लामो अनसन तोडेका छन् । स्थानीय तहको निर्वाचनमा गरुडा नगरपालिकाको मेयर पदका प्रत्यासी दिपक यादवले माग गरेको सबै सुचना गरुडा नगरपालिकाले पुरा गरेपछि अनसन तोडन सहमत भएका छन् ।
मेयर प्रत्यासी यादव नगरपालिकाबाट आफुले पाउनु पर्ने विभिन्न सुचना नपाएको भन्दै नगरपालिका अगाडि एक सातादेखि आमरण अनशनमा बसेका थिए । आमरण अनसन बसेको दिनदेखि नै गरुडाको वातावरण असहज बन्दै गएको थियो । यस अवधिमा नगरप्रमुख कन्तमणि जयसवालसहित स्थानीय जनप्रतिनिधि तथा प्रमुख जिल्ला अधिकारी धर्मेन्द्र कुमार मिश्रले दिपक यादवको स्वास्थ्यको ख्याल गर्दै आमरण अनसन तोडन आग्रह गरेका थिए । आप्mनो मागमा अडिग हुँदा बाध्य भएर गरुडा नगरपालिकाले सुचना उपलब्ध गराएको छ ।
प्रमुख प्रशासकीय अधिकृत झाले सबै सुचना दिएको दावी गरेका छन् । आमरण अनसन तोडेका दिपक यादवले बैंक स्टेटमेन्ट बाहेकका सुचना पाएको बताए । एक साता भित्रमा गरुडाका स्थानीय प्रहरी र आमरण अनसन बसेका यादवका समर्थक बिच पटक पटक झडप, यातायात अबरुद्ध पारिएको थियो । १२ बुन्दामा सार्वजनिक सुनुवाई जो चैत ३० गते हुने, ११ बुंदामा नगरपालिकाको सबै बेैक खाताको स्टेटमेन्ट जो भर्खरै अनसन तोडेका यादवले अझै पाउन बाँकी रहेको बताए । १० बुन्दा अनुसार सुचना पाएको यादवले स्पष्ट पारेका छन् ।
