मलंगवा । नेपाली राष्ट्रिय क्रिकेट टिमका सदस्य गुल्सन झालाई गृह नगर सर्लाही सदरमुकाम मलंगवामासम्मान गरिएको छ ।
उनलाई मलंगवा नगरपालिका वडा नं. ८ को वडा कार्यालयले सम्मान गरेको हो । गुल्सन सोही वडाका बासिन्दा हुन् ।
नेपाललाई विश्वकप क्वालिफायरमा पुर्याउन र एक दिवसिय मान्यता जोगाउन उत्कृष्ट प्रदर्शन गरेका गुल्सनलाई आफ्नो वडाले सम्मान गरेको हो । उनलाई नगरपरिक्रममा गराई सम्मान–पत्रबाट सम्मान गरिएको मलंगवा नगरपालिका वडा नं. ८ का वडाध्यक्ष मुकेश कुमार जैसवालले जानकारी दिए ।
गुल्सनसँगै नेपाली राष्ट्रिय क्रिकेट टिमका वैकल्पिक खेलाडी सर्लाहीको बरहथवा श्रीपुरका आसुतोष यादवलाई समेत सम्मान गरिएको वडाध्यक्ष जैसवालले बताए । विश्वकप क्रिकेट लीग–२ मा युएई विरुद्धको अन्तिम खेलमा गुल्शनले ब्याटिङमा अद्र्धशतक प्रहार गरेर नेपाललाई विश्वकप क्लालिफायरमा पुर्याएका थिए । युएईले खडा गरेको ३ सय ११ रनको विजयी लक्ष्य पछ्याउन उत्रेको नेपाली ब्याटरहरु संघर्ष गरिरहदा पालीको अन्त्यतिर गुल्शनले शानदार प्रदर्शन गर्दै नेपाललाई अप्रत्यासित जित दिलाएका थिए । उनी एक ओभरमा जुटाएको २० रन अन्त्यतिर निर्णायक साबित भएको थियो । उक्त खेल नेपालले डीएण्ड एल नियमानुसार ९ रनले जितेको थियो ।
