जनकपुरधाम । धनुषामा प्रहरीको नियन्त्रणबाट थुनुवा प्रहार भएको नौलो होइन् । केही दिन अघि मात्रै इलाका प्रहरी कार्यालय महेन्द्रनगरबाट ६ जना थुनुवा फरार भएका थिए । ती मध्ये दुई जना अभैm प्रहरीको पहुँचभन्दा बाहिर छन् । फरार भएका थुनुवालाई पक्राउ गर्न नपाउँदै धनुषा प्रहरीको नियन्त्रणबाट थप एक थुनुवा फरार भएका छन् ।
धनुषाको इलाका प्रहरी कार्यालय सबैलाको गाडीबाट हाम फालेर बलात्कार मुद्दाका अभियुक्त फरार भएका छन् ।
बलात्कार मुद्दामा पक्राउ परेका धनुषाको सबैला नगरपालिका वडा नम्बर–१३ किरतपुर बस्ने २८ वर्षीय अभियुक्त राजाबाबु मुखिया आइतबार साँझ साढे ७ बजे प्रहरीको गाडीबाट हाम फालेर फरार भएका हुन् ।
मुखियालाई आइतबार धनुषा जिल्ला अदालतबाट ७ दिन म्याद थप गराई ईलाका प्रहरी कार्यालय सबैला लगिरहँदा प्रहरीकै गाडीबाट यदुकुहास्थित कमला नहरमा हाम फालेर फरार भएका छन् ।
फरार मुखियाको खोजी कार्य जारी रहेको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक बेदप्रसाद गौतमले जानकारी दिए ।
यसअघि ईलाका प्रहरी कार्यालय सखुवा महेन्द्रनगरको हिरासत कक्ष फोडेर ६ जना थुनुवा फरार भएका थिए । उनीहरू मध्ये दुईजना अझै पक्राउ पर्न सकेका छैनन् । प्रहरीको भ्यानबाट हाम फालेर थुनुवा फरार हुँदा पनि पक्राउ गर्न नसक्दा प्रहरीको संवेदशिलतामै प्रश्न उठेको छ । प्रहरीले आप्mनो ड्युटिमा लापरबाही गर्दै आएको घटनाले प्रष्टयाएको छ ।
