जनकपुरधाम । मिथिला मध्यमा परिक्रमा बुधबार(आज) तेश्रो दिन भारतको गिरिजास्थान(फुलहर) पुग्ने भएको छ ।
यसअघि मिथिलाबिहारी र किशोरीजीको डोलासहित परिक्रमा यात्री मंगलबार साँझ भारतको कल्याणेश्वर पुगेको थियो । जनकपुरधामको हनुमानगढीमा रात्रि विश्राम गरेर डोलासहित परिक्रमा यात्री मंगलबार बिहान कल्याणेश्वरतर्पm प्रस्थान गरेको थियो । पहिलोदिन सोमबार राति जनकपुरको हनुमाननगरमा बिश्राम गरेका परिक्रमा यात्री मंगलबार एका बिहानैदेखि कल्याणेश्वरको लागि प्रस्थान गरेका थिए ।
हजारौको संख्यामा सहभागी साधुसन्त, श्रद्धालु भक्तजन परिक्रमा यात्रा गरिरहेका छन् । कल्याणेश्वर पुगेपछि पोखरीमा स्नान गरी कल्याणेश्वर भगवानलाई दर्शन पुजा गरेका छन् । र रात्रीकालीन बिश्राम कल्याणेश्वरमा नै गर्नेछन् ।
सोमबार धनुषाको कचुरी मठबाट मिथिला बिहारीको डोला र जनकपुरको अग्नीकुण्डस्थित मठबाट किशोरीजीको डोलालाई विधिवत रूपमा विदाई गरिएपछि १५ दिने मिथिला मध्यमा परिक्रमा प्रारम्भ भएको हो ।
बुधबार गिरिजास्थान हुँदै परिक्रमाको डोला बिहीबार महोत्तरीको मटिहानी आइपुग्ने छ ।
