जनकपुरधाम । धनुषा प्रहरीले श्रोत नखुलेको रकमसहित एक हुण्डी कारोबारीलाई पक्राउ गरेको छ ।
पक्राउ पर्नेमा धनुषाधाम नगरपालिका वडा नं. ०७ बस्ने ३८ वर्षीय जाबिर राईन रहेका छन् ।
मंगलबार मध्यान्ह नगराईन नगरपालिका वडा नं. २ स्थित ईलाका प्रहरी कार्यालय लगमा जटहीबाट प्रहरी वरिष्ठ नायब निरीक्षकको कमाण्डमा चेकिङमा खटिएको टोलीले भारतबाट नेपाल तर्फ आउँदै गरेको प्रदेश २–०२–००४ प ७५३४ नं.को हिरोहोण्डा मोटरसाइकललाई चेकजाँच गर्ने क्रममा राइनलाई पक्राउ गरेको हो ।
राईन माथि शंका लागि चेक जाँच गर्दा उनले बोकेको खैरो रंगको झोलाबाट श्रोत नखुलेको नेपाली रुपैयाँ ४ लाख ६ हजार ११५ रुपैयाँ बरामद गरिएको जिल्ला प्रहरी कार्यालय धनुषाले जनाएको छ ।
उनको साथबाट मोटरसाइकल थान–१, विभिन्न कम्पनीको मोवाईल थान –२ सहित नियन्त्रणमा लिई आवश्यक कार्वाहीको लागि भन्सार कार्यालय जनकपुरमा पठाईएको छ ।
