जनकपुरधाम । मुख्यमन्त्री सरोज कुमार यादवले चिकित्सकहरुले मानव भावनाको सम्मान गरेर गुणस्तरीय सेवा उपलब्ध गर्नुपर्ने तर्क गरेका छन् ।
मानवलाई पुर्नजीवन दिने चिकित्सकलाई भगवानको रुप मानिएको छ, मुख्यमन्त्री यादवले भने–चिकित्सकले पनि यो विश्वासलाई कायम राखेर आप्mनो धर्म निर्वाह गर्नुपर्छ ।
सामाजिक विकास मन्त्रालयको प्रदेशस्तरीय समीक्षा बैठकमा बोल्दै मुख्यमन्त्री यादवले चिकित्सकहरूलाई निर्भिक भएर आप्mनो सेवा प्रदान गर्नको लागि आग्रह गरे । सामाजिक विकास मन्त्रालयले आइतबार जनकपुरधाममा आयोजना गरेको बैठकमा उनले प्रदेशका सबै प्रादेशिक अस्पतालहरूलाई दुई सय शैय्याको अस्पतालको रुपमा रूपान्तरण गरिने बताए ।
सरकारी अस्पतालको सेवामा सुधार गरेपछि नीजि अस्पतालमा हुने ठगी तथा गलत क्रियाकलापविरुद्ध प्रदेश सरकार निर्मम हुने मुख्यमन्त्री यादवले बताए ।
मुख्यमन्त्री यादवले सङ्घीयताको भावना स्वास्थ्य क्षेत्रबाट नै प्रतिबिम्बित हुने गरेकाले स्वास्थ्य क्षेत्रको सुधारका लागि प्रदेश सरकार जस्तोसुकै कदम चाल्न पनि तयार रहेको बताए ।
सो अवसरमा अर्थमन्त्री संजय यादवले प्रदेशको स्वास्थ्य अवस्था सुधार गरेर अघि बढनुको विकल्प नरहेको बताए ।
स्वास्थ्य सेवामा कमजोर प्रदेशलाई अगाडि बढाउन सबैले आ आप्mनो दायित्व निर्वाह गर्नुपर्ने धारणा उनको थियो ।
सामाजिक विकास मन्त्री सुरिता कुमारी साहले मधेश प्रदेशमा स्वास्थ्य क्षेत्रमा पूर्वाधारको अभाव हुँदा सेवा प्रवाहमा समस्या देखिएको बताइन् ।
उनले जनसङ्ख्या, गरिबी, अशिक्षा बढी भएको तर स्वास्थ्य पूर्वाधारको अवस्था कमजोर भएकाले सेवामा सुधारका लागि सबै प्रकारका सहयोग गर्न मन्त्रालय तत्पर रहेको बताइन् ।
भौतिक पूर्वाधार अभावमा कयौ अस्पतालले अपेक्षा अनुरुपको सेवा प्रवाह गर्न नसकेकोले यसमा सुधार गरेर अघि बढ्ने सामाजिक विकास मन्त्री साहले थपिन् ।
सामाजिक विकास मन्त्रालयका सचिव लक्ष्मी प्रसाद भट्टराईको अध्यक्षतामा भएको कार्यक्रममा मधेश प्रदेशका सामाजिक विकास राज्यमन्त्री शेख अब्दुल कलाम आजादले स्वास्थ्य सेवालाई प्रभावकारी र गुणस्तरीय बनाउन आवश्यक भएको बताए ।
मधेश प्रदेशका स्वास्थ्य संस्थाहरूको भौतिक प्रगति समग्रमा चालु आर्थिक वर्षको ६ महिनामा सन्तोषजनक रहेको छैन । समग्रमा करिब १२ प्रतिशतले प्रगति भएको पाइन्छ ।
