जलेश्वर । महोत्तरीको बलवा र लोहरपट्टी नगरपालिकामा शितलहर प्रभावित विपन्न परिवारलाई न्यानो कपडा वितरण गरिएको छ । लोहरपट्टी नगरपालिकामा १२ सय घरपरिवारलाई न्यानो कपडा वितरण गरिएको दलित समाज उत्थान समिति नेपाल महोत्तरीका अध्यक्ष डेजी पाण्डेले जानकारी दिए ।
वितरण कार्यक्रमको सहजीकरण वडा नम्बर २ र ७ को कार्यालयले गरेको थियो । नगरपालिकाभित्रका गरीब तथा विपन्न परिवारको संख्या छनोट गरेर न्यानो कपडा तथा डसना वितरण गरिएको अध्यक्ष पाण्डेले बताए । यस्तै, बलवा नगरपालिका वडा नम्बर ३ मा ३०३ र वडा नम्बर १ मा ३०० गरि जम्मा ६०३ घरपरिवार लाई वितरण गरिसकेको अध्यक्ष पाण्डे बताए ।
स्थानीय सरोज कुमार यादवले भने चिसो मौसममा न्यानो कपडा पाउँदा खुसी लागेको बताउँदै सहयोगी संस्थालाई धन्यवाद ज्ञापन गरे ।
