राजविराज । सप्तरीको छिन्नमस्ता गाउँपालिका वडा नम्बर ३ गोबिन्दपुरमा आगलागी हुँदा लाखौंको क्षति भएको छ ।
स्थानीय मजिद मियाँको घरमा आगलागी हुँदा घरमा भएका खाद्यान्न, लत्ताकपडा जलेर नष्ट हुनुका साथै धनमालको समेत गरी झण्डै ५ लाख भन्दा बढीको क्षति भएको हो ।
आगलागीमा एउटा पशु चोपाया समेत जलेर घाइते भएको सप्तरी प्रहरीले जनाएको छ ।
यता छिन्नमस्ता गाउँपालिकाका अध्यक्ष विद्यानन्द चौधरी, उपाध्यक्ष राजुदेवी यादव, छिन्नमस्ता गाउँपालिका वडा नम्बर ३ का वडाध्यक्ष विजय कुमार यादव र ईलाका प्रहरी कार्यालय सखडाका प्रहरीहरु लगायतका व्यक्तिहरुले घटना स्थलमा गई स्थलगत निरीक्षण गरी समस्याहरु बुझनुका साथै क्षतिपूर्तिका लगी पालिकाबाट आवश्यक राहत सामग्री उपलब्ध गराउने तथा अन्य निकायहरूबाट समेत सहयोग उपलब्ध गराउने प्रतिबद्धता ब्यक्त गरेका छन् ।
आगो स्थानीयबासी, सशस्त्र तथा जनपद प्रहरी तथा राजविराज नगरपालिकाको सहयोगमा नियन्त्रणमा लिएको प्रहरीले जनाएको छ ।
