जनकपुरधाम । सामाजिक विकृतिको नमूना जनकपुरमा देखिएको छ । ससुराको शरिरमा छुन समेत सामाजिक रुपले छुट नपाएको बुहारीबाट ससुरा चप्पलले कुटिएको घटना बाहिरिएको छ ।
सम्पत्तिको लागि एक महिलाले आप्mनै ससुरालाई घरमै यातना दिदै आएको तथ्य बाहिरिएको छ । मधेश प्रदेशको राजधानी जनकपुरधाम–८ की महिलाले आप्mनै ससुरालाई आइतबार छोरीको सहयोगमा कुटपिट गरेपछि लामो समयदेखि घरमै यातना दिदै आएको तथ्य बाहिरिएको हो ।
जनकपुरधाम उपमहानगरपालिका–८ बजरंगचोक बस्ने ८० वर्षीय रामआधार चौधरीलाई आप्mनै बुहारी र नातिनीले आइतबार कुटपिट गरेका हुन् । चौधरीलाई उनका माहिली बुहारी र नातिनी मिलेर निर्घात कुटपिट गरेका छन् । आफ्नै घरमा बस्न जाँदा मृत्यु भएका माहिला छोराकी श्रीमति र उनकी छोरी (नातिनी) ले ८० वर्षीय वृद्ध रामआधारलाई घरबाट निकाल्दै चप्पलले कुटेको भिडियो सामाजिक सञ्जालमा भाईरल बनेको छ ।
माहिला छोरा मनोज चौधरीको गत बर्ष नै मृत्यु भएपछि उनकी श्रीमति र छोरीले पटक पटक रामआधारलाई कुटपिट गर्दै आएको पीडितले बताएका छन् ।
चौधरीका तीन छोरामध्ये एकजना छोरा धनगढीमा बस्दै आएको र माहिला छोरा तथा कान्छो छोरा जनकपुरधाममा बसिरहेको अबस्थामा सबै सम्पत्ति मनोजकी श्रीमति र छोरीले नै पाउनुपर्ने माग गर्दै पटक पटक कुटपिट गरेको बताएका छन् ।
रामआधारले आफ्नो छोरालाई समेत भारतमा बुहारीले नै मारिदिएको गम्भिर आरोप समेत लगाएका छन् । उनले आफ्नो ससुरालीमै हुँदा उनको मृत्यु भएको र आफूहरुलाई केही थाहा नै नभएको सुनाए ।
चौधरीको बुहारीको माईती भारत बिहारको पँचौलमा छ । उनले आईतबार बिहान पनि भारतीय गुण्डाहरुलाई बोलाएर कुटपिट गर्न लगाएको आरोप लगाएका छन् ।
त्यहाँ प्रहरी आएपछि प्रहरीले ती भारतीय गुण्डाहरुलाई भगाएर उल्टै आफ्नो कान्छी बुहारी र कान्छो छोरा संतोष चौधरीलाई समेत पक्राउ गरेको बताए ।
बलबा प्रहरी चौकीका ईन्चार्जले कुटपिट गर्ने बुहारीसँग रकम लिएर उल्टै आफ्नो कान्छो छोरा र बुहारीलाई पक्राउ गरेको आरोप उनले लगाए । रामआधारले पटक पटक प्रहरीमा उजुरी, निवेदन हालेपनि उनलाई कारवाहीको सट्टा आफूलाई नै प्रहरीले यातना दिएको आरोप लगाए ।
सम्पत्ति बाँडफाँडको लागि माहिली बुहारीले नमानेको तथा सबै सम्पत्ति आफ्नै नाममा हुनुपर्ने अडानसहित आफूलाई पटक पटक घरभित्रै यातना दिएको आरोप उनले लगाएका छन् । तीनै तहको सरकारले ज्येष्ठ नागरिकको जीवनयापन सहज पार्न विभिन्न कार्यक्रमहरु ल्याएको छ । संघीय सरकारले ज्येष्ठ नागरिकलाई जीवनयापनको लागि सामाजिक सुरक्षाभत्ताको समेत व्यवस्था गरेको छ । तर, राजधानी जनकपुरमा ज्येष्ठ नागरिक आफन्तबाटै सार्वजनिक रुपमा कुटिदा सुरक्षानिकाय पनि मुकदर्शक बनेको हो । यसरी समाजलाई नै कलंकित गर्ने बुहारीलाई कानूनी दायरामा ल्याएर कारबाही गर्नुपर्ने माग सामाजिक संजालमा गरिएको छ । सम्पत्ति अंशमा चित्त नबुझेको खण्डमा कानूनी उपचार नखोजेर ज्येष्ठ नागरिकलाई यसरी कुटपिट गर्नेलाई कारबाहीको माग गरिएको छ ।
