जनकपुरधाम । लैङ्गिक हिंसा विरुद्धको १६ दिने अभियान २०२२ अन्तर्गत धनुषाको विदेह नगरपालिकामा
अन्तर पालिका स्तरीय हाजिरीजवाफ प्रतियोगिता गरिएको छ । प्रतियोगितामा गिद्धा–बेलापट्टीका छात्र–छात्राहरुले आधारभूत र माध्यमिक दुवै तहमा प्रथम स्थान हासिल गरेका छन् ।
पालिका स्तरीय हाजिरी जवाफ प्रतियोगितामा जनकनन्दनी गाउँपालिका र विदेह नगरपालिकाका आधारभूत तथा माध्यमिक तहका छात्रछात्राहरुको सहभागिता रहेको थियो ।
उत्कृष्ट गरेका छात्रछात्राहरुलाई आयोजकले पुरस्कृत समेत गरेका थिए ।
दुवै तहमा नमूना मा.वि.गिद्धा–वेलापट्टी प्रथम, मा.वि.बफै द्धितिय र आधारभूत तहमा योगियाडा तृतिय भए । त्यस्तै मा.वि.तर्फ दुहवी–गोवराही तृतिय भएको थियो ।
प्लान इन्टरनेशनल नेपालको सहयोग र जनता नमूना मा.वि.गिद्धा–बेलापट्टीको समन्वयमा आसमान नेपाल र सामुदायिक परिवार कल्याण संघ देवडिहाले संयुक्त रुपमा आयोजना गरेको हाजिरीजवाफ प्रतियोगितामा उत्कृष्ट गरेको छात्रछात्रालाई जनप्रतिनिधिहरुले पुरस्कृत गरेका थिए । माध्यमिक तहमा ७ वटा विद्यालयबाट सहभागी भएको थियो भने आधारभुत तहका ६ वटा विद्यालयहरुले सहभागीता जनाएको थियो । उक्त प्रतियोगितामा १५ वटा विद्यालय भाग लिएका थिए । मावि गिद्धाबेलापट्टटीका विद्यालय व्यवस्थापन समितिका निवर्तमान अध्यक्ष तथा वडा नं. ५ का वडाध्यक्ष राधेश्याम गोइतको अध्यक्षतामा भएको कार्यक्रममा विदेह नगरपालिकाका मेयर बेचन दासले छात्रछात्राहरुलाई पुरस्कृत गरेको आसमान नेपालका संजिव कुमार साहले बताए ।
