जनकपुरधाम । “आतंकवाद विरुद्ध,शान्ति अभियान“नारा सहित जनकपुरको जनकचौकमा शनिबार साँझ कोणसभा गरिएको छ । भारतको मुम्बईमा १३ वर्ष अघि भएको आतंकवादी आक्रमणमा परी ज्यान गुमाएकाप्रति श्रद्धाञ्जली अर्पण गर्दै जनकपुरमा मैनवत्ती जुलुश निकालिएकोछ ।
जनकचौकबाट शुरु भएको मैनवत्ती जुलुश (कैन्डिल मार्च) जानकी मंन्दिर पुगेर समापन भएको थियो । लोकतान्त्रिक युवा नागरिक समाजले आयोजना गरेको कार्यक्रममा आजैको दिन १३ वर्ष अघि मुम्बईको ताज होटल, मेरिन ड्राइभ सहितको ठाउँमा पाकिस्तानी आतंकबादीले आक्रमण गर्दा १६० जनाको ज्यान गएको थियो ।
उक्त आक्रमणमा परी ज्यान गुमाएकाप्रति श्रद्धाञ्जली ब्यक्त गर्दै लोसपाका नेता राजीब झाले यस प्रकारको घटना घटाउने जुन सुकै देश, समुदाय, संस्था वा ब्यक्तिलाई समाजिक बहिस्कार गर्नुपर्नेमा जोड दिए ।
विश्वका देशहरुले पनि यस्तो संगठनलाई आतंकी घोषणा गर्नु पर्नेमा उनले जोड दिए ।
कार्यक्रममा हिन्दी अभियानी रमण पांण्डेले यस प्रकारको घटना मानबता विरोधी रहेको बताए । मनिष झा श्रीओमको अध्यक्षतामा भएको कार्यक्रममा दिपक यादब,जनकपुर युथ क्लबका पुर्ब अध्यक्ष गोबिन्द राय चन्दन,सुभास कुमार शर्मा, जिरोमाइल युवा कमिटीका अध्यक्ष शिव शंकर मिश्रा, सुजीत प्रसाद शर्मा,मधेशी स्वास्थ्यकर्मी मंचको केन्द्रीय अध्यक्ष राम गोपाल साह, सफाइ अभियानी कुमारी, किशोर कुमार, युवा अभियानी नबल किशोर, क्लोथ बैकको कार्यालय सचिब कृष्णा साह, रंजीत कुमार,पारस ठाकुर सहितका बक्ताहरुले आ आप्mनो मन्तव्य राखेका थिए ।
