जनकपुरधाम । धनुषा–४(क) मा सत्ता गठबन्धनका उम्मेदवारहरुले बिहीबार पनि चुनावी प्रचार प्रसार कार्यक्रमलाई निरन्तरता दिएका छन् । सत्ता गठबन्धनबाट नेपाली कांग्रेसका प्रतिनिधिसभा सदस्यका उम्मेदवार महेन्द्र यादव र प्रदेशसभा सदस्यका उम्मेदवार शेषनारायण यादवले बिहीबार कम्तीमा तीन गाउँमा घरदैलो र चुनावी पार्टी कार्यालय उद्घाटन गरेका छन् ।
बिहीबार बिहान मिथिला बिहारी नगरपालिका–९ कटरैतमा प्रदेशसभा सदस्यका उम्मेदवार शेषनारायण यादवले घरदैलो कार्यक्रम गरेका हुन् । उम्मेदवार यादवले कार्यकर्ता भेटघाटसँगै मतदाताको घरदैलोमा पुगेर आप्mनो पक्षमा मत मागेका हुन् । यता, बिहीबार नै लक्ष्मीनियाँ गाउँपालिका–४ सपहीमा चुनावी प्रचार कार्यालयको उद्घाटन गरिएको छ । प्रतिनिधिसभा सदस्यका उम्मेदवार महेन्द्र यादव र प्रदेशसभा सदस्यका उम्मेदवार शेषनारायण या
दवले बिहीबार साँझ सपहीमा पार्टी कार्यालयको उद्घाटन गरेका हुन् । यस्तै बिहीबार साँझ मिथिला बिहारी नगरपालिका–८ कचुरीमा पनि पार्टी कार्यकर्तालाई भेटघाट गर्दै घरदैलो कार्यक्रम गरेका हुन् । चुनावको तिथि नजिकिदै गएपछि उम्मेदवारद्वय महेन्द्र र शेषनारायणले प्रचार प्रसार अभियानलाई अघि बढाएका हुन् ।
