जनकपुरधाम । धनुषा र सिरहाको सीमानामा पर्ने कमला नदीमा मंगलबार नवशिकारु धामीझाँक्रीको घुइँचो लाग्ने भएको छ ।
हजारौं महिला पुरुष नदीका किनारमा ’भगता’ हरुले स्नान गर्ने छन् । प्रत्येक भगतासँग समूहमा रहेका व्यक्तिहरुले समेत कमलामा स्नान गर्ने छ ।
मंगलबा कमला नदीमा स्नान गर्नको लागि सोमबार नै श्रद्धालुभक्तजन त्यसतर्पm प्रस्थान गरेका छन् । सयौ टयाक्टर, अटोरिक्सा लगायतको सवारीमा श्रद्धालुभक्तजन कमलातिर लागेका हुन् ।
पहेँलो धोती र सारीमा सजिएका नयाँ सिकारु धामी÷झाँक्रीहरु हातमा बेतको छडी घुमाउँदै गाडि चढेर कमलातिर प्रस्थान गरेका छन् ।
आफ्नो तन्त्रमन्त्रलाई सिद्ध गर्नका लागि उनीहरु पूर्णिमाको अवसरमा कमला नदीमा डुबुल्की मार्न गएका हुन् । नदीमा धामीझाँक्री आफ्नो तन्त्रमन्त्र सिद्ध गर्न कर्कश स्वरमा चिच्याउँदै गोसाई (देउता) खेल्दै लागेका हुन् ।
शरीरमा बास बस्न आएका देवतालाई पवित्र पार्न तथा शरीरमा देवीदेवताको स्थायीबास गर्न भन्दै कात्तिक पूर्णिमा स्नान गर्न नवधामीझाँक्री तथा बोक्साबोक्सीहरु स्नानका लागि प्रत्येक वर्ष कमला नदीमा पुग्ने गरेका छन् ।
आजको दिन स्नान गर्नाले देवी देवताको बन्धन हुने, घरपरिवार, सन्तान सुखी रहने र ’भूतप्रेत’ निको हुने विश्वास रहेको धामी झाँक्रीहरुको भनाई छ । कात्तिक पूर्णिमाका दिन कमला–गंगालगायतका पवित्र नदीमा नयाँ भगता अर्थात नवधामीझाँक्रीको जीउमाथि प्रथम पटक देउताको बास स्थायी हुने र भगताको गुण तथा तन्त्रशक्ति चल्ने विश्वास धामीझाँक्रीको छ । विजया दशमीको आगमनसँगै धामीझाँक्री सक्रिय हुने गरेका छन् । यता कमला नदीमा स्नान गर्न जाने श्रद्धालुभक्तजनको लागि नेपाल रेल्वे कम्पनीले थप सेवा संचालन गरेको छ । यात्रीको चाप अनुसार जनकपुरदेखि जयनगरसम्मको ओहोरदोहोर गर्ने व्यवस्था मिलाएको नेपाल रेल्वे कम्पनीले जनाएको छ ।
