जनकपुरधाम । जनता समाजवादी पार्टी(जसपा) नेपालका केन्द्रीय सदस्य डा. रिना यादवले एमाले प्रवेश गरेकी छन् ।
डा. यादवले शुक्रबार साँझ अध्यक्ष केपी शर्मा ओलीको हातबाट खादा लगाएर एमाले प्रवेश गरेकी हुन् ।
केही दिन अघि मात्रै मधेश प्रदेश विकास समिति सभापति भएकी डा. रिना एकाएक जसपा छाडेर एमालेतिर गएकी हुन् । २०७४ सालको निर्वाचनमा तत्कालीन राष्ट्रिय जनता पार्टी(राजपा) बाट समानुपातिकतर्पm प्रदेशसभा सदस्य भएकी रिना पटक पटक दल बदल्निे घुर्की दिदै आएकी थिइन् । गत वर्ष जसपाबाट लोसपा छुट्दा पनि उनी बार्गेनिङ गरेर जसपा रोजेकी थिइन् । गएको बैशाख ३१ गते सम्पन्न स्थानीय तहको निर्वाचनमा विकास समितिका सभापति तत्कालीन प्रदेशसभा सदस्य फुलबाबुले राजिनामा गरेपछि डा. रिना सभापति भएकी थिइन् । युवा नेता संजिव झाको सक्रियतामा डा. रिना एमाले प्रवेश गरेकी हुन् ।
